هل ستحبني عندما لا أكون بنفس الوجه الذي عهدته ؟! "

كورة جول
الصفحة الرئيسية


 بقلم : مها_ضاحي 

أنا ممكن أخسر حد بمكالمة كنت   زعلانة فيها ..ممكن  إنسان يشوفني اني خيبت آماله فيا  لأني كنت out of mood في وقت معين ..ممكن أظهر كشخص بايع لأني معنديش طاقة أتكلم أو أتمسك ..

ممكن أفقد إنسان غالي جدا عندي لمجرد إني كنت تعبانة ف فترة ف قصرت 


On the other side  

ممكن أرتكب أمر سئ وألاقي حد جمبي بيقولي انتي مش بالسوء دا وانتي من جواكي كويس انا عارفك بجد ..

ممكن أتهرب من شخص وألاقيه باعتلي مسدج يقولي فيها إني وحشته عادي حتي وهو شايف تهربي منه بس حطلي عذر إني تعبانة او مش قادرة أقابل حد ..ممكن صديقتي  المفضلة أبطل أكلمها ف فترة تعب  وألاقيها باعتالي تقولي انا مستنياكي اما تقدر تتكلمي

ممكن تغلط ف شخص وتتعصب بس اول م تعتذر يسامحك لإنه عارف إنك كنت تعبان وقتها وإن مش قصدك ..


اللي عايز يحطلك عذر هيحطلك مليون عذر واللي عايز يشوفك غلط هيشوفك غلط حتي لو كنت بتنقذ حياته ..


أنت مش هتقدر تتحكم ف نفسيتك طول الوقت..بس هتقدر تتحكم في الإطار المحيط بيك وتنقى ناس  هتبقى عليك ..

مش صح نبقى بنطلع عصبيتنا ع حد ولا بتنرفز ع حد ولا بنيجي ع حد عشان تعب فينا لكن بنسبة 70%غصب عننا في مرة تعبنا مش هيخلينا قادرين نبقى نفس الشخص اللطيف ..

وقتها بس هتعرف مين مش هيستغني عنك رغم كل حاجة 

ومين هيستناك تغلط عشان يبعد


"هل ستحبني رغم كل ندوبي؟ 

رغم أني صديق سئ في معظم الأوقات ..

رغم مزاجي المتقلب 

هل ستحبني عندما لا أكون بنفس الوجه الذي عهدته ؟! "

google-playkhamsatmostaqltradent